Дуалдық оқыту жүйесі дегеніміз - теорияны өндіріспен ұштастыра оқыту технологиясы. Бұл жүйе бойынша оқушылар өндірісте (белгілі мекемеде) еңбек ете жүріп, қол үзбей оқиды, тек уақытының үшінші бөлігін ғана теориялық оқуға арнайды.
Ақтөбе гуманитарлық колледжі де осы 2016 -2017 оқу жылында мемлекеттік тапсырыс негізінде оқуға қабылданған 0101000 «Мектепке дейінгі тәрбие және оқыту» және 0401000 «Кітапхана ісі» мамандығы студенттерін оқытуда дуальдік жүйені енгізді. 0101000 «Мектепке дейінгі тәрбие және оқыту» мамандығы бойынша «Балақай» ЖШС таңдап алынды, бұл серіктестіктің құрамына «Еркемай», «Ертөстік», «Айлин» балабақшалары кіреді. 0401000 «Кітапхана ісі» мамандығы бойынша әлеуметтік серіктес ретінде қаладағы үш облыстық кітапхана- С.Бәйішев атындағы облыстық ғылыми- әмбебап кітапхана, С.Жиенбаев атындағы облыстық жасөспірімдер кітапханасы және Н.Байғанин атындағы облыстық балалар кітапханасы.
Ақтөбе гуманитарлық колледжі Ақтөбе облысы «Атамекен» кәсіпкерлер палатасымен бірлесе отырып, 0101000 «Мектепке дейінгі тәрбие және оқыту» және 0401000 «Кітапхана ісі» мамандығы студенттерін оқытуда дуальдік жүйені енгізу үшін жоғарыда аталған мекемелермен келісімшартқа отырды.
